وفتحنا الطريق لسن الطفلة أثير !

مع أثير كانت البداية مع علاج أسنان الأطفال ..

أثير طالبة بالصف الخامس الابتدائي .. سبق وأنا قدمت للكلية لعلاج أسنانها في العام المنصرم .. قدمت هنا لإكمال ما تبقى من أسنانها …

لا مشاكل صحية لديها ولله الحمد .. متعاونة جداً و خجولة شوي ..

كانت الزيارة الأولى لها … مجرد تعارف لكلا الطرفين .. وخلالها تم فحص لأسنانها .. وشرح طريقة التفريش الصحيحة لأسنانها ،، وطبقتها في العيادة .. كذلك ورينها البلاك اللي على أسنانها من خلال وضع مادة مثل الروج على أسنانها .. ثم نظفناها .. وأخيراً وضعنا لها الفلورايد لحماية أسنانها … وتم إصدار الخطة العلاجية في صورتها النهائية … طريقة تعاملي معا أثير .. إذا ما تبغى الشيء تقول لي ما أبغاه

سألتها نبدأ نحط الحشوات الواقية لأسنانها الدائمة ،، ملامح وجهها أعطتني الإجابة

تفكر أن فيه تخدير .. شرحت لها طريقة العلاج .. واللي هي فقط .. نجيب حشوة ونحطها على السن بدون تخدير وبدون العازل المطاطي وبدون حفر ..

عطيت أبوها واللي كان جاي معاها .. الإذن للرحيل وموعدنا الزيارة القادمة ،،

—-

اليوم ،،، جاءت أثير .. كيف حالك أثير ! إن شاء الله كويسه ..

فيه خوف شوي .. وريتها الحشوة ..

بدينا بوضع الحشوات الواقية لستة أسنان دائمة .. وباقي الخلع لسن واحد ..

شرحت لأثير وش بنسوي .. وريتها الأشعة ،،

الدكتورة … قالت عطها تخدير بسيط ومجرد قطرات حول اللثة اللي بقرب السن ..

قلت لأثير لو فيه ألم ارفعي يدك على طول ،،

تخدير موضعي .. ثم جبنا الإبرة وعطيتها شيء بسيط حول السن .. وكان فيه ألم بسيط .. عند دخول الإبرة .. وتحملت .. شيكنا على التخدير .. سألتها قلت أبدأ ولا أزيد التخدير .. قلت زده شوي

زودنا التخدير .. بديت في الخلع .. ودمعت عيونها شوي

جاءت الدكتورة وجابت بخاخ مخدر .. ثم زودت التخدير شوي ،، وقالت حاول تشيله بسرعه ..

مجرد ثواني .. و السن أصبح خارج الفم بعدما تعرض لهجوم خاطف مني .. والسن الدائم رأى النور أخيراً

ودعنا أثير وهي المريضة الأولى واللي أعالجها في طب الأطفال ..

ذهبت أثير بحشوات وقائية عديدة بالإضافة لحصول أحد أسنانها الدائمة على الطريق للخروج .. فيما خسرت أحد أسنانها اللبنية ،،، وإن كانت ليست خسارة

 

و كبرت العيـال >> مز1 إن شاء الله تحافظ على هالسن بالذات اللي وفقني ربي لأمنحه الطريق ليرى النور ..

تحياتي لكم ..